Работнички дојде до десетата победа оваа сезона, откако на домашен терен го совлада Чаир со 84-70 во меч од 14-то коло во Првата лига. На нецели шест минути до крајот, тренерот на гостинскиот состав, Ерхан Рамадан збесна по една судиска одлука. Неговиот тим реализираше за 74-64, а Мустафица заработи техничка грешка.
Следеа хаосни минути, техничка грешка заработи клупата на Чаир и Рамадан. Во еден момент стратегот на гостите ги повика играчите на клупа, иако не побара тајм-аут, се доби слика дека сака да го повлече тимот, но брзо се смирија страстите, а мечот продолжи.
