Каква бламажа на Баерн Минхен денеска и тоа од Вердер и тоа со 0:1. Пораз кој и тоа како ги боли “баварците“ а посебно ако се знае дека Леверкузен е во страшна форма.
Интересно, во одреден момент тренерот Томас Тухел играше со шест напаѓачи, но неговиот тим не успеа да постигне гол.
Инаку по средбата Тухел даде изјава која сигурно направи “земјотрес“ во соблекувалната. Имено тој дел од одговорноста ја префрли кај своите играчи по ово пораз.
Нешто што секако дека еден тренер не го прави.
“Не сакам веќе да говорам дека добро работиме на тренинзите. Никој во тоа веќе не верува. Мораме да ги прашаме играчите. Ние заслуживме пораз, тука нема дилеми“ посочи стратегот на “баварците“.
