Каков натпревар во Севилја меѓу Бетис и Барселона? Неверојатен, со убава игра, со шест голови, со два гола на Иско и со хет-трик на Феран Торес за победа на каталонците од 2:4.
Феран Торес го одигра мечот на кариерата, неговата е победата а со овој блескав настап го спаси Чави како тренер на Барса.
Се беше бајковито за Барса и тоа со двата гола на Феран Торес во 21. и 48.минута. Притоа на Левандовски ВАР му поништи гол. И кога се чинеше дека тие 0:2 се доволни за победа на составот на Чави, на сцена стапи Иско, и тоа со два гола за 2:2. Во 56. и 59.минута екс “кралот“ стрелаше за израмнување.
Но Барса сепак победи и тоа благодарение на головите на Жоао Феликс во 90. и повторно Феран Торес во 90+2.минута.
