Попладнево во “Ланксес Арената“ во Келн, во меч од претпоследното коло во групата -1, Исланд успеа со 35:30 да ја победи Хрватска и тоа за првпат на Европските првенства. Со овој пораз Хрватите и дефинитивно останаа без шанси за пласман во полуфиналето. Оваа победа на четата на селекторот Перковац им требаше по секоја цена, а потоа посакувањата беа резултатите да им се погодат, но по денешниот пораз од Исланд веќе се е готово.
Инаку Хрватите добро почнаа, во првото полувреме во одредени моменти имаа и +4 разлика, но како што одминуваше времето ракометаритена Исланд ја намалуваа таа разлика а на пауза се замина со 18:16 за Хрватите.
Во второто полувреме Исланѓаните одиграа далеку подобро, во нападот беа ефикасни, во одбраната сигурно, а Хрватите едноставно како да немаа сила за нешто повеќе па така во псоледните минути Исланд имаше и +5 разлика.
На крајот резултатот гласеше 35:30.
Најефикасен кај Исланд беше Елисон со 8 голови, додека кај Хрватите забележителен настап имаше Јелиниќ со 6 погодици.
