Душан Влаховиќ е во страшна форма. Неговите голови го држат Јуве во израмнета битка за титулата во Серија А со Интер. И синоќа Србинот блескаше, постигна два гола на гости кај Лече и е најзаслужен за новата победа на Јуве во Серија А.
По мечот нормално дека Влаховиќ беше баран од новинарите за изјава.
Му беа поставени повеќе прашања, сепак едно како да го изненади, а тоа е дека многу потсеќа со головите на Кристијано Роналдо од времето кога Португалецот беше во “црно – белиот“ дрес на клубот од Торино.
„Ме споредувате со Роналдо? Да не претеруваме. Се ова не можам да го постигнам без своите соиграчи. Им благодарам, само вака да продолжиме“ рече покрај другото Влаховиќ.
