Мохамед Салах ќе се врати во Ливерпул за да се опоравува од повредата. Веста ја потврди денеска Египетскиот фудбалски сојуз (ЕФА) кој му дал зелено светло на најдобриот свој фудбалер по денешниот меч против Зеленортските Острови да замине назад во Англија.
Салах се повреди на натпреварот против Гана (2:2). Во исто време, од египетскиот тим се уште се надеваат дека Салах ќе може да настапи на турнирот.
„Се надеваме дека ќе може да игра доколку стигнеме до полуфиналето на Купот на африканските нации“, се вели во соопштението на федерацијата.
