Шкендија ги засили своите редови со напаѓачот Фитон Адеми кој доаѓа од редовите на Беса, есенскиот шампион во ВМФЛ. Ова „СпортСпорт“ го најави пред два дена, сега е официјално потврдено од страна на тетовскиот клуб. Тој стави потпис на 2,5 годишен договор.
Адеми е дете на Шкендија, во 2021 направи трансфер во Струга ТЛ, потоа играше и за Воска, а во Беса дојде минатото лето и беше еден од најзаслужните за одличните игри и резултати со што стана и есенски шампион во ВМФЛ.
„Со гордост се враќам во Шкендија, потпишувајќи професионален договор со клубот во кој почнав и пораснав. Ова е доказ дека ништо не е недостижно за младите фудбалери од фудбалската школа на Шкендија“, вели Фитон Адеми.
