Иако светските медиуми објавуваат дека фудбалерот на Њукасл, Киран Трипие е подготвен да се премести во минхенски Баерн, сепак, новите информации од северот на Англија велат дека десниот бек не е на продажба.
Наводно, искусниот дефанзивец сака да ја промени средината уште оваа зима, но Баерн никако да постигне договор со англискиот тим. Баерн му понудил на Њукасл 13 милиони за 33-годишникот, па сега се чека позитивен одговор од “страчките”.
Баерн веќе подолго време е во потрага по решение за десната бековска позиција, а како можна опција се споменуваше и францускиот репрезентативец Норди Мукиеле. Киран Трипие во последно време не е во најдобра форма, но сепак неговото искуство го натера Баерн да тргне по неговиот потпис.
