Со огромна поддршка од трибините, Партизан успеа да слави на дуелот со Жалгирис во 23. коло на Евролигата со 81:72, за 12-та победа сезонава. Белградските „црно-бели“ имаа двоцифрена негатива, но ја надополнија и го забележаа новиот успех во елитното натпреварување.
Жалгирис остана на осум победи и сега има дури 15 порази, па практично е невозможна мисијата на Андреа Тринкиери да ги одведе Литванците во плеј-оф баражот.
Дужер со 23 поени (8/10 за два 2/2 за три) и 4 асистенции беше најдобар кај Партизан, Ледеј запиша 21 поен и 5 скока, а Камински 12 поени.
Арамани Милано успеа да ја совлада Барселона со 74:70, додека Валенсија го доби шпанското дерби со Басконија на гости со 62:77. Монако во драматична завршница со 80:78 славеше на гости во Истанбул кај Анадолу Ефес.
