Откако го раскина договорот со Рудеш, македонскиот интернационалец Андреј Лазаров стана прво зимско засилување за Горица. 24-годишниот играч за врска во кариерата настапуваше за Тиквеш и Работнички, а на почетокот на сезоната дојде во Рудеш. Во првиот дел од сезоната во ХНЛ запиша 13 настапи и постигна еден гол.
„Секогаш ќе го давам максимумот за екипата и се надевам дека заедно ќе остваруваме добри резултати и ќе избориме за што повисока позиција на табелата“, изјави Лазаров.
Тој со Горица потпиша договор до лето 2025 година.
