Македонската ракометна репрезентација денеска ќе го добие противникот за бараж мечот за пласман на Светското првенство 2025 година кое ќе се одржи во Хрватска, Данска и Норвешка.
Нашите ракометари по победата над Швајцарија во групната фаза на Европското првенство кое се одржува во Германија си обезбедија место во првиот шешир и ги избегнаа далеку поислните репрезентации. Македонија дефинитивно нема да игра против Словенија, Унгарија, Португалија, Австрија, Исланд, Холандија, Шпанија, Ц. Гора, Чешка и Полска, селекции кои исто така се во првиот шешир.
Противникот на македонската репрезентација доаѓа од вториот шешир каде има неколку „нагазни“ мини, како Србија, Швајцарија, а не се за потценување ниту Романија или пак Ф.Острови.
Идеално сценарио би биле Грција, БиХ, Белгија/Италија, Естонија/Украина, Словачка/Израел, Финска/Литванија.
Македонија преку овој бараж ќе го бара деветото учество на Светските првенства, седмо во низа.
Ждрепката е закажана во 14 часот во Келн, поточно тогаш ќе започне завршната прес-конференција на ЕП, по што ќе следи извлекувањето на двојките за бараж мечевите за СП.
1 ШЕШИР
Словенија, Унгарија, Португалија, Австрија, Исланд, Холандија, Шпанија, Ц. Гора, Чешка, Полска, Македонија.
2 ШЕШИР
Грузија, Србија, Ф. Острови, Швајцарија, Романија, Грција, БиХ, Белгија/Италија, Естонија/Украина, Словачка/Израел, Финска/Литванија.
