Арина Сабаленка од Белорусија го одбрани трофејот на Австралија опен откако во финалето ја совлада Кинвен Женг од Кина со 2:0 во сетови. Таа стигна до вториот Гренд слем трофеј во кариерата една година по триумфот на истото ова место.
Сабаленка без загубен сет го доби дуелот со Женг која првпат е во финале на еден турнир од Гренд слем категоријата. Уште од стартот Белорусинката беше фуриозна, првиот сет го доби со 6:3. Во вториот поведе со 5:1 и ја искористи петтата меч-топка и по еден час и 17 минути игра го освои трофејот.
Инаку таа на целиот турнир не загуби ниту еден сет и со тоа се изедначи со легендите на овој спорт Линдзи Девенпорт, Серена Вилијамс, Ешли Барти и Марија Шарапова на кои им успеало тоа.
