МЗТ Скопје ја запиша втората победа во Нови Сад, вкупно шестата победа во АБА2-лига оваа сезона. Со новите бодови актуелниот македонски првак направи еден чекор напред на табелата, по деветото коло се наоѓа на петтото место на табелата.
Васко Атанасов е задоволен по триумфот, МЗТ Скопје освен на стартот во текот на преостанатиот дел имаше контрола на мечот.
„Ова беше добар меч за нас освен првите три-четири минути, имавме контрола на двата краја од теренот во текот на целиот натпревар. За нас беше многу важно да стигнеме до триумфот и го сторивме тоа, ова беше тимска победа, кога ќе играме ваков меч на вакво ниво, особено во одбрана, не би сакал да издвојам ниту еден играч“, изјави Атанасов.
Следен противник на МЗТ Скопје е домаќинот Војводина, кој се наоѓа на третото место на табелата.
