Уште еден фантастичен фудбалски натпревар во Премиерлигата. Меч за уживање, меч кој фановите долго, долго ќе го паметат. Попладнево на “Сент Џејмс Парк“ Њукасл и Лутон одиграа 4:4, но со шанси за уште некој гол, за победа за едната или другата екипа.
Домашните поведоа со 1:0 со голот на Лонгстаф во 7.минута, следуваше голот на Ошо во 21.минута за 1:1. Лонгстаф уште еднаш стрела за ново водство од 2:1 во таа 23.минута. Во 40.минута Баркли израмни на 2:2, резултат со кој се замина на пауза.
Блескаво второ полувреме. Лутон поведе со 2:3 со голот на Морис во 59.минута, а на 2:4 зголеми Адебајо во 62.минута.
Њукасл не се предаде, па така со головите на Трипие и Барнс, во 67.минута и во 73.минута успеа да израмни на 4:4.
Брајтон со убедливи 4:1 го “скрши“ Кристал Палас а Барнли и Фулам одиграа 2:2, иако гостите водеа со 0:2 а Фофана во 90+1.минута му донесе бод на својот тим.
