Договорот на Лука Модриќ со Реал истекува на крајот од сезоната. Се зборуваше и за заминување од мадридскиот клуб во летото 2023 година, кога имаше богати понуди од саудиските клубови. Сепак, тој остана во тимот на тренерот Карло Анчелоти кој сезонава не го гледа во првиот тим.
Неговото место го зазедоа младите играчи. Угледниот The Athletic напиша дека се уште не е сигурно дали Реал ќе му понуди нов договор на Модриќ или пак капитенот на хрватската репрезентација размислува за останување или заминување.
За Модриќ интерес покажаа саудиски, европски и американски клубови, а турските медиуми тврдат дека го посакува и второлигашот Ејупспор. Да потсетиме, за ова се пишуваше и во јануари 2023 година, а изгледаше исто толку нереално како и сега.
Ејупспор е водечки клуб во втората турска лига. Основана е во 1919 година и со години играше во пониските рангови, но според сегашната ситуација се очекува да се пласира во најсилната лига. Тренер е легендарниот турски офанзивец Арда Туран, поранешен играч на Атлетико Мадрид и Барселона, а клубот своите натпревари ги игра на стадион со 2.500 седишта.
На Модриќ наводно не му се брза да донесе одлука на почетокот на февруари, но целта му е на најдобар можен начин да ја заврши клупската сезона, а потоа да се фокусира на Европското првенство во Германија каде повторно ќе ја предводи Хрватска.
Исто така, Атлетик дозна дека на Модриќ не му е приоритет да замине во Саудиска Арабија, каде што неговите сонародници Марсело Брозовиќ и Иван Ракитиќ. Со оглед на тоа што турските медиуми, кои ретко се покажуваат како точни, пишуваат за интересот на Ејупспор, тешко е да се очекува заминување на Модриќ во тој клуб.
