По двонелниот престој во Анталија, каде фудбалерите на Струга ТЛ ја одработија најважната фаза од тековните подготовки, во саботата стружани се врати дома. И веднаш шефот на стручниот штаб Шпетим Дуро на играчите им даде два слободни дена, па така утре ќе се продолжи со тренинзи и подготовки за пролетниот дел кој стартува на 18 овој месец.
Во Анталија екипата на Струга ТЛ одигра три контролни меча, на еден одигра нерешено со Арка Гдањск, а во два наврати беше поразена од Оренбург и Лоѓ. Сепак поважно беше што сите играчи добија шанса да ги искажат своите квалитети и да му се наметнат на стручниот штаб.
До стартот на пролетната полусезона, фудбалерите на Струга ТЛ ќе тренираат во својот комплекс во Струга а последниот приојателски меч, односно “генералката“ пред стартот на полусезоната ќе го имаат против Тиквеш претстојниот викенд.
