За нешто помалку од половина час ќе започне дерби дуелот меѓу Пелистер и Вардар во рамките на плеј-офот во Супер-лигата. Исто како и на последната средба во Битола, во составот на „црвено-црните“ ќе биде Стојанче Стоилов, кој се пензионираше, ама е на помош кога има потреба од тоа. Вардар ќе настапи без повредениот среден бек Косуке Јасухира, и најновото засилување Немања Гојковиќ.
На другата страна во составот на актуелниот македонски првак го нема Дејан Манасков, како и најновото засилување и Матеуш Пиеховски. На голот шанса нема да добие Марко Кизиќ, а ќе го нема нуту левиот бек Руди Сери.
