Трикратната олимписка шампионка, Шели-Ен Фрејзер-Прајс, изјави дека официјално ќе ја заврши својата богата кариера веднаш по Олимписките игри во Париз кои ќе се одржат годинава .
Легендарната Јамајканка изјави дека се посветува на семејството.
„Потребна сум му на синот, а со сопругот сме заедно од самиот почеток на моите блесоци. Се жртвуваа за мене, а сега е време јас да им возвратам со љубов и постојано присуство“, изјави 37-годишната спринтерка.
Фрејзер-Прајс во кариерата освои златни медали на 100 метри во Пекинг (2008), во Лондон (2012) и злато во штафетата 4 x 100 метри во Токио (2021). Исто така има четири сребрени медали од олимпијадите, како и бронза од Рио во 2016 година.
