По двата врзани порази, шампионот МЗТ Скопје А. успеа да ја прокнижи втората победа и да се врати на победнички патеки во домашниот шампионат. Денеска на средбата со Охрид, „штрковите“ славеа со 81:68, во меч во кој домашните одиграа без Војдан и Дамјан Стојановски.
Најефикасен во победата беше Делалиќ со 21 поен, но добар меч одиграа и Танасковиќ со 15 и Крстевски со 14 поени.
Многу повозбудливо беше на дуелот меѓу ФМП Академија и Вардар. Таму гостите одиграа одлично во првото полувреме и на пауза заминаа со 8 поени предност. Сепак, во вториот дел ФМП успеа да се стабилизира и постепено да се враќа во мечот. Клучна беше последната четвртина во која домашните „додадоа гас“ и на крајот го ршија мечот во своја полза со 80:74.
Нилд постигна 19 поени во победата на ФМП, додека кај Вардар, Наков заврши со 15.
