Шпанскиот кошаркар Рики Рубио се најде на списокот на селекторот Серџо Скариоло за претстојните квалификациски натпревари за Европското првенство.
Бранителот на европскиот трон објави список од 14 играчи, со уште шестмина кои исто така би можеле да добијат шанса во случај на откажување. Овде има голем број играчи од Евролигата, но исто така има многу кои недостигаат. Сепак, изненадување секако е Рики Рубио, за кого ни шпанската јавност не очекуваше да се најде на списокот, со оглед на тоа што само што се приклучи на тренинзите на Барселона и потпиша договор до крајот на сезоната, но се уште нема настап.
