Македонскиот првилигаш Тиквеш денеска донесе уште едно засилување непосредно пред продолжението на втората полуетапа од домашниот шампионат. Како што објавија од клубот, ново име во дресот на Тиквеш за пролетната полусезона е Адриен Габриел Амадио Графин.
Станува збор за млад 20-годишен центарфор. Графин е Американец кој има и француски пасош, а во Кавадарци доаѓа од редовите на Ордино од Андора, а има играно и за бразилската екипа Новохоризонте.
