Барселона дојде до 10 победа оваа сезона во групната фаза во Лигата на шампиони. Каталонскиот гигант без проблем славеше на гости кај ГОГ со убедливи 23-30. Во центарот на вниманието се најде Емил Нилсен, кој запиша 20 одбрани.
ГОГ имаше водство само на стартот на мечот, а потоа целосната доминација им припадна на гостите кои на одморот водеа со 17-14.
Ричардсон постигна шест гола, еден помалку имаше Мем, на другата страна Мадсен имаше шест гола.
I think there is no doubt about who’s the match MVP✨#ehfcl #clm #DareToRise pic.twitter.com/qDvLILR4s6
— EHF Champions League (@ehfcl) February 14, 2024
Во истата група Б, Монпеље на домашен терен беше убедливо подобар од Целје со 32-21.
Во Полска имаше драма. Кјелце и Кил одиграа без победник 36-36 (15-17). На осум минути до крајот, домашниот тим имаше позитива од 34-32, но гостите преку Билик се вратија во дуелот, изедначија на 34-34. По голот на Карачиќ за 36-35, на другата страна Екберг изедначи на 36-36 за голема радост во своите редови.
Алекс Душебаев и Турна имаа по седум погодоци кај Кјелце, во редовите на Кил исто број на погодоци имаше Јохансон.
