Судот во Северна Каролина „поради недостаток на докази“ ги отфрли сите три обвиненија против Мајлс Бриџис, кошаркарот на Шарлот Хорнетс, за семејно насилство во 2022 година. Поради случајот, истрагата и суспензијата, Бриџис ја пропушти целата последна сезона во НБА, а на почетокот од оваа сезона ги одлежа последните 10 натпревари од суспензијата.
Бриџис беше обвинет дека физички ја нападнал и повредил својата партнерка во јуни 2022 година, пред очите на нивните две деца. Во ноември истата година, тој се согласи на тригодишна условна казна и избегна затвор, но не му беше дозволено да игра, а НБА формално го суспендираше на 30 натпревари.
Откако му истече суспензијата, Бриџис има сезона во кариерата со 21,6 поени и 7,2 скока, а минатата недела врза два натпревари на кои постигна 41 и 45 поени. Договорот на 25-годишниот кошаркар истекува на крајот од сезоната, а прашање е каков интерес ќе добие од НБА клубовите, со оглед на комбинацијата на несомнен играчка талент и проблематично однесување.
