За разлика од првата четвртфинална пресметка во Купот на Македонија „Благоја Георгиевски Буштур“, на вториот меч во Битола видовме доста интересна пресметка, чиј победник беше решен во самиот финиш. А победник излезе Еуро Никел, кој го совлада Чаир со 87-79 и завери полуфинале. Ако чаирчани ја бараат причината за поразот тоа дефинитивно се лошата реализација на слободните фрлања во клучните моменти.
Смит со 28 поени и 9 скока беше лидер кај победникот, зад него беше Дубински со 16 поени. Во редовите на поразениот состав Роби запиша 20 поени.
Чаир 2030 отвори со 0-7, па со 2-12 после четири минути игра. На другата страна на кавадарчани им беше потребно да фатат ритам. По 17-26 во десетата минута, Еуро Никел заигра на повисоко ниво, па врати со 30-21 за 47-47 на полувремето.
По одморот битката беше речиси изедначена, со тоа што Еуро Никел во третиот период беше подобар за четири поени (22-18). Вистинската драма почна во последниот периодм водството се менуваше.
На нецели три минути до крајот, Еуро Никел водеше со 79-75. На другата страна противникот дојде на минус еден 79-78, а потоа Смит зголеми на 81-78. Рамадани повика тајм-аут, по промашувањето на Мустафица, Какруки запиша офанзивен скок и беше фаулиран, успеа да намали на 81-79 од линијата за слободни фрлања каде Начевски не беше ниту еднаш прецизен. Следеше казна, Еуро Никел врати за 86-79 и беше јасно дека ќе ја добие оваа средба.
Во полуфиналето кавадарчани ќе играат со подобриот од Пелистер и Феникс.
