Попладнево со мечот меѓу Гостивар и Вардар, кој започнува во 14 часот, стартуа пролетниот дел од тековната сезона. Нема дилеми дека домашниот тим, кој оваа зима уште повеќе се засили, е голем фаворит, сите се во очекување дека во најмала рака Гостивар ќе ја продолжи серијата во која е непобеден во ПМФЛ дури од aвгуст.
Сепак Вардар е Вардар, со нов тренер во името на Горазд Михаилов, со нова енергија во клубот, со нови играчи и засилувања.
Јасно е дека на вакви мечеви, први во една полусезона, се е можно.
Секако дека останува да се види прво како ќе одиграат двете екипи, дали ќе ги оправдаат најавите дека се во добра форма.
И од двата табори се најавува беспоштедна борба, се најавува дека ќе се даде и повеќе од максимумот за да се дојде до бодовите.
За Вардар одличен резултат ќе биде и реми, а за победа да не говориме. Додека за домашниот тим се освен три бода ќе биде разочарување.
На овој меч своето деби на клупите на еден официјален меч ќе го имаат Исмаил Аталан (Гостивар) и Горазд Михаилов (Вардар).
Сите останати мечеви од ова прво пролетно или вкупно 19.коло се играат утре, исто од 14 часот.
