Актуелниот англиски шампион Манчестер Сити одигра 1:1 во дуелот со Челзи во дербито на 25.коло на Премиер лигата. Мечот кој се одигра на „Егихад“ донесе возбудувања и само два гола иако можеше да ги има повеќе.
Поведоа „сините“ со гол на Рахим Стерлинг инаку поранешен играч на „граѓаните“. Николас Џексон му асистираше на брзоногиот фудбалер на Челзи кој се ослободи од својот чувар и сам пред голманот успеа да погоди.
🚨🚨| GOAL: STERLING OPENS THE SCORING FOR CHELSEA!!
Manchester City 0-1 Chelsea
— CentreGoals. (@centregoals) February 17, 2024
Притисокот на Сити во второто полувреме вроди со плод. Родри шутна од далечина, топката удри во некој играч го смени правецот и го измами голманот.
Rodri equalized the score
Manchester City 1-1 Chelseapic.twitter.com/9hBcyAeekz
— FootColic ⚽️ (@FootColic) February 17, 2024
Челзи ја продолжи неуспешната серија во дуелите со Сити затоа што нема првенствена победа од мај 2021 година.
Сити ја прекина победничката серија која трае од декември минатата година по ремито со Палас (2:2) и изнесуваше шест победи во Премиер лигата, две во ФА купот и една во ЛШ.
Сити по 24 меча има 53 бода на третото место, два помалку од вториот Арсенал односно четири помалку од лидерот Ливерпул. Челзи е на 10-тото место со 35 бода.
