Фудбалерот на Тиквеш, Имран Фетаи денеска на мечот со Брегалница заработи повреда по која мораше да биде префрлен во болница.
Предмалку клубот од Кавадарци и офицјално потврди за неговата здравствена состојба:
“Во врска со повредата на нашиот штопер Имран Фетаи на денешниот натпревар, Ве известуваме дека фудбалерот е во стабилна состојба со мал потрес на мозокот, утврдено од компјутерската томографија направена во болницата во Штип, каде е задржан на 24 часовен надзор од медицинскиот тим.
Се надеваме Имран ќе биде спремен за следниот натпревар и му посакуваме брзо закрепнување“ се вели во соопштението на Тиквеш.
