Повеќе нема никакви препреки да се игра фудбал на нашиот најголем стадион на кој со месеци и месеци траеше реконтрукцијата на теренот и поставувањето на хибридна современа трева.
Според она што го дознаваме од 1 март арената „Тодор Проески“, ќе биде ставена на располагање на клубовите и националните селекции. Ваквите најави се добредојдени за Вардар и Работнички кои се враќаат на „својот“ терен и како домаќини ќе ги играат средбите на најголемиот стадион. Според програмата Работнички на 3 март ќе игра со Брегалница токму на арената а три дена покасно е градското дерби Вардар – Рабиотнички. Викендов што следи Вардар ќе мора да ја пречека Брегалница на стадионот во Маџари.
На нашиот најголем стадион кој сега има совршена подлога за игра се закажани и дуелите со Гибралтар и Шведска на селекцијата до 21 година и истите се играат кон крајот на март.
