Претстојниот викенд се играат мечевите од второто пролетно или 20.коло во тековната 2023/24 сезона во ПМФЛ. Секако дека најголемо внимание предизвикува мечот во Струга каде силите ќе ги одмерат шампионот и моментално лидерот на табелата, тимот на Шкупи. Овој меч меѓу Струга ТЛ и Шкупи се игра во сабота (24.02.2024) со почеток од 14 часот на Градскиот стадион во Струга, се разбира низ директен ТВ пренос на МТВ и Арена.
Останатите мечеви од ова коло се закажани за во сабота, исто со почеток од 14 часот, се среќаваат Вардар – Брегалница, Тиквеш – Работнички, Воска Спорт – Силекс, Брера Струмица – Македонија ЃП и Шкендија – Гостивар.
