Литванија и Полска, преостанатите два ривали на нашата кошаркарска репрезентација во циклусот за пласман на Евробаскетот 2025 година, денеска ги отворија квалификациите во нашата група.
Земјата на кошарката, Литванија, не дозволи никакви сензации и дојде до убедлива победа над Полска со 83:64. Доминацијата на овој меч јасно покажува дека Литванците ќе бидат супер-фаворит во нашата група, каде ние утре почнуваме со домашен меч против Естонија.
Олисевичиус со 20 и Гидраитис со 13 поени беа најефикасни кај Литванија, додека во составот на Полска се издвои Соколовски кој заврши со 26 поени.
