По ремито со Гостивар минатиот викенд, денеска, со почеток од 14 часот, на “Борис Трајковски“ во скопско Маџари, Вардар како домаќин во дербито на дното ја дочекува Брегалница. Секако дека бодовите и за двете екипи се од витално значење од овој меч од 20.коло во ПМФЛ.
Марјан Ристовски – Швајц пред денешниот меч со штипјани има свој коментар:
“Играме за првпат оваа пролетна полусезона пред домашната публика. Се надевам дека атмосферата ќе биде одлична, дека трибината ќе биде полна и дека носени од поддршката на нашите навивачи ќе дојдеме до трите бода, тоа се нашите посакувања и нашата цел. Вардар оди на победа, а тоа се моите очекувања, победа и само победа. Верувам дека не 100% туку ќе дадеме 200% од себе за да стигнеме до целта“ изјави офанзивецот на Вардар.