Јирген Клоп веќе најави дека по завршување на тековната сезона ќе си оди од „Енфилд“. Тоа е дефинитивно, па така сега челниците на Ливерпул посакуваат за негов наследник да го назначат Чаби Алонсо, стратегот на Леверкузен, кој сега е убедливо најбараниот тренер во светот на фудбалот.
Познато е дека за него најсилен интерес пројавува Баерн Минхен, па така ако Ливерпул не успее да го ангажира тогаш ќе мора да се сврти кон двете алтернативи.
Првата е Јулиен Нагелсман, селекторот на Германија кој по завршувањето на ЕУРО 2024 ќе ја напушти функцијата, а втората е Рубен Аморим, сегашниот стратег на Спортинг Лисабон кој има договор со клубот до 2026. Ова значи дека “Редси“ би морале да платат отштета ако го сакаат Аморим.
