Македонската кошаркарска репрезентација веќе е во Полска. Избраниците на Александар Јончевски утре во Сосновиец ќе го одиграат вториот квалификациски натпревар. Станува збор за уште посилна репрезентација против која ќе мораат да одиграат максимално доколку сакаат да дојдат до победа.
„Полска е навистина силна репрезентација, без оглед што е пласирана на Евробаскет сигурно ќе биде мотивирана да одигра добар меч на домашен терен. Ќе мораме да се бориме како кучиња за секоја топка за да имаме шанса да стигнеме до позитивен резултат. Борбеноста мора да биде највисоко ниво за да се бориме за победа на овој меч“, истакна Итан Хап, кој се најде во трката за МВП за првите квалификациски мечеви.
Американецот со македонски пасош даде краток осврт за дуелот со Естонија, потенцира дека бројните загубени топки во второто полувреме се причина за поразот.
„Направивме премногу грешки против Естонија, тоа беше причината за поразот. Во првото полувреме одлично ги оддалечивме во рекетот, но во вториот дел ситуацијата се промени. Бевме надвор од ритам, загубените топки беа многу важен фактор за тој пораз од Естонците“, прокоментира Хап.
