Македонската кошаркарска репрезентација денеска (18 часот) во Сосновиец и гостува на Полска во второто квалификациско коло за пласман на Европското првенство 2025 година.
Нашите момци немаат време за жалење по поразот од Естонија, бидејќи ги чека уште поголем предизвик во оваа битка за враќање на европската карта. Полска која како домаќин веќе има обезбедено место на ЕП, исто стартуваше со пораз, од Литванија на гости, па пред своите фанови ќе се обиде да дојде до првата радост во овие квалификации.
Добра вест за селекторот, Александар Јончевски, е отсуството на еден од најдобрите кошаркари во редовите на противникот. Матеуш Понитка отпадна од комбинација за настап, веќе го напуштил националниот тим, и е во Белград каде се приклучил на подготовките на неговиот актуелен клуб – Партизан.
Двете селекции релативно добро се познаваат, особено ако се земе в предвид дека лани одигравме два контролни натпревари во Белград. Секако, има измени во ростерите на двете екипи. Во нашата, селекторот Александар Јончевски го има на располагање и Американецот Итан Хап, кој беше еден од најдобрите на премиерата во СРЦ „Кале“ и оној дуел со Естонија.
Преносот од салата во Сосновиец, стартува од 18.часот, а ќе оди „во живо“ на „Sportklub 4 HD“.
