Наредниот викенд се играат сите мечеви од 21.коло или препоследно во вториот круг сезонава во ПМФЛ. Дуелот меѓу Шкендија и Вардар, кое некогаш беше маега – дерби, а сега е дерби и поради интересот кај фановите кога играат овие два клуба, се игра в сабота на 2 март со почеток од 14 часот на Градскиот стадион во Тетово.
Секако дека Вардар е “магнет“ за тетовската публика, па се очекува трибините да бидат полни а овој меч ќе се пренесува на МРТВ и на Арена.
Останатите мечеви од ова 21.коло се играат во недела (03.03.2024) исто со почеток од 14 часот и се среќаваат:
Гостивар – Брера, Македонија ЃП – Воска, Силекс – Струга ТЛ, Шкупи – Тиквеш и Работнички – Брегалница.
