Македонската женска сениорска ракометна репрезентација се подготвува за квалификациските мечеви против Шпанија за пласман на ЕП 2024. Селекторот Кристијан Грчевски нема да смета на една од поискусните ракометарки, Сања Дабевска.
Кружниот напаѓач се повреди на првиот тренинг. Повредата не е сериозна, но бара мирување. По направените детални лекарски прегледи констатирано е дека станува збор за истегнување на медијалниот колатерален лигамент.
Македонија првиот натпревар со Шпанија го игра во четврток во салата Борис Трајковски, влезот е слободен. Реваншот е закажан за 3-ти март.
И двете селекции во овие квалификации стартуваат со победи. Нашите ракометарки беа подобри од Азербејџан и Литванија.
