Македонскиот интернационалец Тодор Тодоровски се најде во тимот на 27.коло во најсилната романска фудбалска лига. Десниот бек одигра цел меч во победата на неговиот Политехника Јаши над Рапид Букурешт со 3:1. Иако не запиша асистенција ни гол, сепак, тој доби висока оценка за својот настап на овој натпревар и е единствениот од оваа екипа во тимот на колото.
Тодоровски од јануари оваа година игра за Политехника, а претходно играше за унгарски Залаегерсег.
