По сосема неочекуваниот пораз во минатото коло на гостувањето кај Тиквеш, ракометарите на Вардар 1961 им се вратија на победите. Во денешниот меч од 4. коло во Суперлигата, „црвено-црните“ на домашен терен славеа против Струга со 29:20.
Кусо по израмнетиот почеток, Вардар успеа да направи разлика и да замине на одмор со предност од 16:8. Овие 8 гола беа сосема доволни за мирен тек на вториот дел во кој Вардар комплетно ја одржуваше разликата.
Мохамед Бахар беше најефикасен кај Вардар со 9 гола, додека кај гостите Бошњак постигна 10 погодоци.
