Струга е шансата за Вардар 1961 да се исправи по „ударот“ во Кавадарци

Четвртото коло во плеј-офот во Супер-лигата ќе стартува денеска со мечот меѓу Вардар 1961 и Струга. По двата порази во низа во битката за титулата, избраниците на Владо Недановски ќе бараат рехабилитација против стружани.

Вардар 1961 го нема посакуваат старт, покажа низа слабости на мечевите кои се важни за врвот на табелата. По Пелистер, кризата ја продлабочи Тиквеш, гостување на кое „црвено-црните“ не беа ниту своја бледа слика.

Пред дуелот со Струга, Вардар 1961 е петти во поредокот на табелата во плеј-офот, момент кој е несвојствен за овој тим.

Дербито на колото е во „Билјанини Извори“, таму во недела, ГРК Охрид го пречекува Алкалоид, единствениот тим кој е перфектен од стартот на сезоната, но и лидер на табелата.