Менаџерот на Манчестер Ј., Ерик тен Хаг призна дека има дефанзивни проблеми во пресрет на дерби пресметката со шампионот Манчестер Сити во недела.
Хари Мегваер им се придружи на Лук Шо, Лисандро Мартинез, Тајрел Маласија и Арон Ван-Бисака кои се повредени.
Софиан Амрабат се врати во составот на „црвените ѓаволи“ во средата и играше на левата бековска позиција, додека Диого Далот беше на позицијата десен бек.
„Мораме да ја склопиме сложувалката бидејќи сè уште ни недостасуваат бекови. Се уште немаме централни дефанзивци. Мораме да бидеме креативни, но мислам дека можеме да го направиме тоа“, изјави Тен Хаг.
