Фудбалерите на ПСЖ вечерва играат во Сан Себастијан против Реал Сосиедад во реваншот од осминафиналето на Лигата на шампионите, а Луис Енрике вчера на прес-конференцијата направи вистински спектакл, избегнувајќи на интересен начин прашања за Килијан Мбапе.
На првиот натпревар одигран пред неколку недели во Париз, ПСЖ победи со 2:0 и јасно е дека се на чекор до четврт-финалето, но сигурно е дека Сосиедад нема така лесно да се предаде.
Сепак, главна тема и понатаму се Килијан Мбапе, кој е на излезната врата од ПСЖ, што го покажа пред неколку дена и Луис Енрике кога на полувремето на дербито против Монако го извади францускиот напаѓач.
Енрике се уште не го совладал францускиот јазик и на прес-конференцијата секогаш има преведувач, а тоа беше случај и вчера. Секогаш кога тренерот на ПСЖ ќе слушне дека некој од новинарите го споменал Мбапе, на ист начин го избегнуваше прашањето.
“Не можам да го слушнам преводот во слушалките. Прашајте повторно… Не можам да слушнам, не го слушнав преводот повторно. Не можам да го слушнам преведувачот и ми е комплицирано да разберам што зборува Го спомна Килијан и веднаш знам дека тоа е комплицирано прашање“, рече тој низ смеа и продолжи.
„Слушнав дека го спомна Килијан, ајде прашај повторно. Ќе игра ли Килијан? Можеби ќе игра, можеби не. Сè е можно“.
Енрике ги мачеше француските новинари секогаш кога некој ќе го спомне Мбапе и ќе рече дека нема преведувач, но кога дојде редот на Шпанците немаше спас и мораше да одговори на сите прашања.
Уште по прес-конференцијата беше објавено дека преводот е совршено во ред и дека Енрике намерно создавал конфузија за да добие што помалку прашања на француски, што на крајот му успеало.
Mi pregunta a Luis Enrique, en rueda de prensa:
¿Cómo se gestiona que todo el mundo pregunte por @KMbappe?
“Muy fácil. Tú aceptas que las preguntas son las que quieran los periodistas, y tú contestas lo que te da la gana, esa es mi fórmula” pic.twitter.com/IDxg21TYin
— Ignacio Miguélez (@IgnacioMiguelez) March 4, 2024
За потсетување, вечерашниот натпревар помеѓу Сосиедад и ПСЖ започнува од 21 часот, а во Минхен во истиот термин се среќаваат Баерн – Лацио.
