Сопствениците на Челзи дошле до заклучок дека постојат само две опции клубот да добие помодерен стадион. Едната е целосно обнова на Стемфорд Бриџ на истата локација, а втората вклучува купување на земјиште и изградба на нов стадион на друго место.
Првичната идеја на сопствениците беше Челзи поединечно да реновира некои од трибините на сегашниот стадион, како што направи Ливерпул со Енфилд.
Во октомври клубот дури постигна договор да купи станбен блок веднаш до стадионот за 80 милиони фунти. Договорот допрва треба да биде финализиран, но според The Sun, шефовите на Челзи веќе одлучиле дека идејата за планирање и изградба на посебни трибини, заедно со поврзаните временски празнини, е неостварлива.
Тие дошле до заклучок дека ако остане „Стемфорд Бриџ“, дом на клубот од 1905 година, целиот стадион мора да се демонтира и повторно да се изгради. Според последните проценки, за еден ваков проект ќе бидат потребни околу шест години, што ќе значи дека во овој период клубот ќе треба да игра на друг стадион, најверојатно да го изнајмува Вембли.
Втората опција е да се изгради нов стадион на друго место. Најчесто се споменува поранешниот изложбен центар Ерлс Корт. Сепак, само купувањето земјиште во оваа област би чинело околу 500 милиони фунти.
Chelsea could be homeless for SIX YEARS as Todd Boehly faces huge dilemma over Stamford Bridge stadium redevelopmenthttps://t.co/vSmziPcQT2 pic.twitter.com/znSYPffRDG
— The Sun Football ⚽ (@TheSunFootball) March 5, 2024
