Килијан Мбапе очигледно ќе го напушти ПСЖ на крајот на сезоната и кариерата ќе ја продолжи во Реал Мадрид. Во Париз сфатија дека немаат време за губење и дека мора да најдат адекватна замена за Французинот, а се чини дека знаат кој ќе биде првата мета на ова лето.
Угледниот „Л’Екип“ објави дека веќе е познато дека Букајо Сака ќе биде прва мета на ПСЖ ова лето, а парижаните ќе направат се за да го доведат англискиот репрезентативец на „Паркот на принцовите“.
Сака во ПСЖ го гледаат како идеална замена за Мбапе бидејќи Англичанецот веќе неколку сезони игра на одлично ниво во Арсенал.
Јасно им е и дека Арсенал нема така лесно да го пушти Сака, па затоа наводно подготвил понуда од дури 140 милиони евра, која е тешко да се одбие.
Овој 22-годишен фудбалер има договор со лондонскиот клуб до летото 2027 година, кој го продолжи пред една година, но ќе биде интересно да се види дали од следната сезона ќе игра во дресот на ПСЖ, што секако би било голем предизвик за него.
➡️ PSG prepared to spend big 💵
➡️ Replacement for Mbappe? 👀Paris Saint-Germain are reportedly prepared to make Arsenal star Bukayo Saka the Gunners’ most expensive departure ever as they ready an unprecedented offer for the Englishman.
MORE: https://t.co/SGjdGSTpjj pic.twitter.com/NoW9HFfiuC
— Soccer Laduma (@Soccer_Laduma) March 6, 2024
Сака во досегашниот дел од сезоната одигра вкупно 35 натпревари за Арсенал, постигна 16 гола и додаде 15 асистенции, а не е изненадување што интерес за овој 22-годишен фудбалер покажаа многу европски клубови.
