Тренерот на Интер, Симоне Инзаги по победата на гостувањето кај Болоња со 1:0, вели дека победата е важна затоа што дојде како роденденска прослава за клубот.
„Многу сме среќни бидејќи го прославивме роденденот на Интер со многу важна победа. Одржуваме разлика од оние кои не следат. Имавме водство во првото полувреме и тогаш Болоња покажа зошто е на моменталната позиција. Момците прават нешто извонредно, но знаеме дека има уште 10 кола. Во првото полувреме го направивме тоа што го ветивме, но по паузата Болоња не притисна повеќе и не заземавме простор како што можевме, направивме неколку погрешни додавања и моравме длабоко да се браниме. Ова обично го правиме ретко, но денеска моравме да го направиме повеќе. Жал ми е за Арнаутовиќ, кој почувствува болка, Карлос Аугусто имаше проблеми со мускулот на потколеницата за време на паузата. Се надеваме дека и двајцата ќе ни се вратат многу брзо“, вели Инзаги.
