Утре со мечевите од 23.коло стартува и третиот круг во тековната сезона. Значи остануваат да се одиграат уште 11 кола, и во овој период ќе ја видиме најнеизвесната битка за титулата. Имено не се сеќаваме дека од 1992/93 дури три екипи рамноправно ќе бијат битка за шампионскиот пехар.
Тоа се шампионот Струга ТЛ (45 бода) која ќе оди по својата втора титула, потоа Шкупи (44), ќе атакува на својата петта титула ако ги сметаме и оние три на Слога Ј, и Шкендија (43) која исто така оди по петтата титула.
Интересно, сите овие екипи биле шампиони во последните три сезони.
Мала, да не кажеме микронска предност, има шампионот, бод повеќе од Шкупи и два од Шкендија. Има и најдобра гол – разлика, но треба да се знае дека на крајот во случај на ист број бодови решаваат меѓусебните дуели а не гол – разликата.
Струга ТЛ има предност и тоа што во последното коло, кое се игра на 19 мај игра дома со Шкупи.
Претходно Струга ТЛ гостува кај Шкендија, а во 31.коло на Чаир се среќаваат Шкупи и Шкендија.
Значи се очекува супер интересен финиш, три желби и само еден трофеј.
И што е многу важно. Постои голема шанса екипата која ќе биде трета да не излезе во Европа. Ако пак Шкупи го освои пехарот во Купот на Македонија, тогаш сите три ќе играат во Европа летоска, но ако не го освои, е тогаш ќе биде проблем за една од овие три екипи.
Во продолжение можете да го видите целиот распоред на Струга ТЛ, Шкупи и Шкендија, кој со кого и каде ќе игра во преостанатите 11 кола:
РАСПОРЕД
23.КОЛО – 10.03.2024
Струга ТЛ – Брера
Шкупи – Работнички
Шкендија – Воска Спорт
24.КОЛО – 16.03.2024
Вардар – Шкендија
Воска Спорт – Шкупи
Работнички – Струга ТЛ
25.КОЛО – 31.03.2024
Струга ТЛ – Воска
Шкупи – Вардар
Шкендија – Брегалница
26.КОЛО – 07.04.2024
Македонија ЃП – Шкендија
Брегалница – Шкупи
Вардар – Струга ТЛ
27.КОЛО – 14.04. 2024
Струга ТЛ – Брегалница
Шкендија – Силекс
Шкупи – Македонија ЃП
28.КОЛО – 21.04.2024
Тиквеш – Шкендија
Силекс – Шкупи
Македонија ЃП – Струга ТЛ
29.КОЛО – 28.04.2024
Струга ТЛ – Силекс
Шкупи – Тиквеш
Шкендија – Гостивар
30.КОЛО – 01.05.2024
Шкендија – Брера
Гостивар – Шкупи
Тиквеш – Струга ТЛ
31.КОЛО – 05.05.2024
Струга ТЛ – Гостивар
Шкупи – Шкендија
32.КОЛО – 12.05.2024
Шкупи – Брера
Шкендија – Струга ТЛ
33.КОЛО – 19.12.2024
Струга ТЛ – Шкупи
Работнички – Шкендија
ТАБЕЛА ПО 22.КОЛО
1.СТРУГА ТЛ 45 бода
2.ШКУПИ 44
3.ШКЕНДИЈА 43
