Ракометарките на шампионот Ѓорче Петров убедливо се поразени на првиот четвртфинален натпревар од ЕХФ Европскиот Куп на гостувањето во Шпанија против екипата на Елче.
Ѓорчепетровки забележаа пораз од 36:21 и со оглед на резултатот, на реваншот следната недела остануваат само со теоретски шанси за пласман во полуфиналето.
Првото полувреме и не беше толку лошо, затоа што Елче на пауза замина со 4 гола предност (14:10). Но во второт дел, домашните комплетно го „разоружаа“ нашиот тим и направија предност која веќе со една нога ги испрати во полуфиналето.
Најефикасна во Ѓорче Петров беше Марија Јанкуловска со пет погодоци, а Анастасија Николовска постигна 4 гола.
Реванш дуелот меѓу Ѓорче Петров и Елче ќе се одигра на 17 март со почеток од 19:00 часот во спортската сала „Автокоманда“.
