Раководството на германскиот фудбалски шампион Баерн Минхен се уште нема водено преговори со потенцијални кандидати за тренерската позиција, ниту пак разговарала со стартерот Џошуа Кимих за нов договор, пренесува агенцијата ДПА.
Шампионите ќе се разделат со Томас Тухел на крајот од сезоната, а медиумите во земјата го наведуваат Чаби Алонсо како негова потенцијална замена.
“Имаме листа на приоритети и работиме на тоа. Има многу тренери, а нашата цел е да ја најдеме најдобрата опција. Се трудиме да ја направиме вистинската работа”, изјави членот на бордот на директори, Макс Еберл.
Самиот Кимих изјави дека има активен договор со Баерн и не размислува за иднината.
