Чави Ернандез најави дека по завршувањето на сезоната ќе ја напушти Барселона, без разлика дали ќе ја освои ЛШ или не. Па така веќе еден месец се шпекулира кој ќе биде новиот стратег на еден од најголемите клубови во светот.
Во последните неколку денови, барем според медиумите во Каталонија, па и во Шпанија, се потенцира дека новиот тренер ќе биде Германец, а има тројца кандидати.
Тоа се Ханси Флик, кој е прв пик на Хоан Лапорта, а тука се и актуелниот селектор на “панцерите“ Јулиен Нагелсман како и Томас Тухел, кој по завршувањето на сезоната ќе мора да се раздели со Баерн Минхен.
Се наведува уште и тоа дека преговорите со Ханси Флик веќе се започнати.