Италијанскиот прволигаш Лече го отпушти Роберто Д’Аверса по инцидентот во неделата кога се обиде со глава да го удри напаѓачот на Верона, Томас Анри.
„По инцидентот на мечот Лече-Верона, клубот го отпушти Роберто Д’Аверса. Со него заминуваат и помошниците“, изјавија од клубот.
Верона го доби тој меч, а Лече е во опасност да испадне, па тренерот збесна во финишот и влезе во конфликт со Анри. Се обиде да го удри со глава, а судијата на двајцата им покажа црвени картони.
Д’Аверса своето однесување го објасни со зборовите дека бил провоциран од фудбалерот. Се очекува негова суспензија.
Леонардо Семпличи е најсериозен кандидат за клупата на Лече.
OFFICIAL! Lecce have sacked Roberto D’Aversa after the coach tried to headbutt Hellas Verona striker Thomas Henry on Sunday. https://t.co/PtLuIOA1TY #Lecce #DAversa #Calcio #SerieA
— Football Italia (@footballitalia) March 11, 2024
