Селекторот на австриската фудбалска репрезентација, Ралф Рангник исфрлил тројца играчи од тимот за претстојните пријателски натпревари поради хомофобија.
Фудбалерите на Рапид Виена, Марко Граул, Гвидо Бургсталер и Никлас Хедл не се во списокот за пријателските натпревари против Словачка и Турција, откако беа снимени како скандираат хомофобични пораки по дербито со Австрија Виена.
„Ова е нешто што нема да го толерирам во тимот каде што сум селектор. Се што се залагаме со репрезентацијата е на другиот крај на вагата и тоа им го кажав на играчите по телефон“, изјави Рангник.
Дополнително, Рангник изјавил дека тројца нема да бидат во списокот ниту за учество на Европското првенство во јуни и јули во Германија.
